Бос жұмыс орындары

2021 жылғы 28 сәуірдағы ақпандағы Қазақстан Республикасы Президенті Іс басқармасы Медициналық орталығының «Қарлығаш» балабақшасы» ШЖҚ РМК-ның бос қызмет орындарына конкурс өткізу туралы хабарландыру

Қазақстан Республикасы Президенті Іс басқармасы Медициналық орталығының «Қарлығаш» балабақшасы» ШЖҚ РМК

Орналасқан жері: 010000, Қазақстан Республикасы, Нұр-Сұлтан қаласы, Есіл ауданы, Мәңгілік Ел даңғылы, 33 ғимарат.

Пошталық мекенжай: 010000, Қазақстан Республикасы, Нұр-Сұлтан қаласы, Есіл ауданы, Е 357 көшесі, 1 ғимарат, анықтама телефоны 8 (7172) 27-17-98, karasartowa@mail.ru, karlygash_mcudp.rk@mail.ru) бос қызмет орындарына жалпы конкурс жариялайды:

Тәрбиеші – бала күтімі бойынша демалыстағы негізгі жұмыскерді алмастыру уақытына – 11 (13,75 мөлшер).

Еңбекақы төлеу мөлшері мен шарттары: лауазымдық жалақыдан 162 700,00 теңгені құрайды, еңбекақы ай сайын жүргізіледі.

Функционалдық міндеттері: Күнделікті өмірде балалардың толыққанды дамуы мен негізгі дағдыларын қалыптастыру үшін жағдай жасау және қамтамасыз ету; балалардың ұйымдасқан оқу қызметін дайындау және өткізу; балалардың жас ерекшелігін есепке ала отырып, өзін-өзі күту дағдыларын, олардың жеке тазалық ережелерін сақтауын қалыптастыру және дамыту; Кәсіпорын мамандарымен мерекелерді, ойын-сауықтарды, бос уақытты өткізу; педагогикалық кеңес, әдістемелік бірлестіктер, семинарлар жұмыстарына белсенді қатысу. Білім беру процесі кезінде тәрбиеленушілердің өмірі мен денсаулығын сақтауды қамтамасыз ету және жағдай жасау.

Конкурсқа қатысушыға қойылатын негізгі талаптар: Жоғары немесе орта педагогикалық білім. Жалпы білім беретін мектептің бастауыш бөліміндегі немесе мектепке дейінгі мекемедегі жұмыс тәжірибесі 1 жылдан кем емеснемесе арнайы орта (мектепке дейінгі) және тәрбиеші ретіндегі жұмыс тәжірибесі 2 жылдан кем емес. Білікітілік санатының болуы.

Тәрбиеші көмекшісі – 1 (1,25 мөлшер).

Еңбекақы төлеу мөлшері мен шарттары: лауазымдық жалақыдан 145 000,00 теңгені құрайды, еңбекақы ай сайын жүргізіледі.

Функционалдық міндеттері: Тәрбиешіге тәрбиелеу-білім беру процесін ұйымдастыруға, балалардың денсаулығын нығайтуға, физикалық дамытуға көмектесу. Бекітілген топ балаларының тамақтану режимін сапалы орындалуын қамтамасыз ету (үстел жабдықтауды ұйымдастыру және сақтау, балаларға тамақ таратқанда көмектесу, ыдыстарды жинау және жуу, ауыз қуысын шаюға арналған су дайындау). СанЕжН талаптарына сәйкес бекітілген орынжайда ыдыстарға санитарлық өңдеу жүргізу. Тәрбиешіге балалардың серуендеу және ұйықтау (балаларды киіндіру және шешіндіру, өзін-өзі күтуге дағдыландыруға) режимін сақтауға көмектесу және т.б.

Конкурсқа қатысушыға қойылатын негізгі талаптар: Жоғары, орта арнаулы немесе орта білім. Педагогикалық білімі мен білім беру ұйымдарында балалармен жұмыс тәжірибесінің болғаны жөн.

Тәрбиеші көмекшісі – бала күтімі бойынша демалыстағы негізгі жұмыскерді алмастыру уақытына – 3 (3,75 мөлшер).

Логопед – 1.

Еңбекақы төлеу мөлшері мен шарттары: лауазымдық жалақыдан 154 600,00 теңгені құрайды, еңбекақы ай сайын жүргізіледі.

Функционалдық міндеттері: Тәрбиеленушілерді зерттеу, сөйлеу мүкістігінің дәрежесі мен құрылымын анықтау, сөйлеу мүкістігін түзету. Сөйлеудің дамуындағы ауытқуларды жөндеу, бұзылған функцияларды қалпына келтіру бойынша топтық және жеке сабақтар жүргізу. Сөйлеудің дамуындағы ауытқуларды барынша түзеуге бағытталған тәрбиеленушілерді оқыту және тәрбиелеу жөніндегі жұмыстарды жүзеге асыру. Тәрбиешілермен тығыз қарым-қатынас жасау жұмыстарын жүргізу, олардың сабақтарына қатысу, топтағы балалардың сөйлеу дамуындағы мәселелер бойынша тәрбиешілерге хабарлау.

Конкурсқа қатысушыға қойылатын негізгі талаптар: «Дефектология» (логопедия) мамандығы бойынша жоғары педагогикалық білім. Біліктілік санатының болғаны дұрыс. Логопед мамандығы бойынша кемінде 2 жыл жұмыс тәжірибесінің болуы.

Логопед – бала күтімі бойынша демалыстағы негізгі жұмыскерді алмастыру уақытына - 1.

Дәрігер-педиатр – 1.

Еңбекақы төлеу мөлшері мен шарттары: лауазымдық жалақыдан 232 800,00 теңгені құрайды, еңбекақы ай сайын жүргізіледі.

Функционалдық міндеттері: Бейімделу кезеңінің жайлы өтуіне бағытталған медициналық-педагогикалық іс-шаралар кешенін тағайындаумен мекемеге жаңадан келген барлық балаларды тексеру. Жоспарлы профилактикалық тексеру жүргізу және екпе алдында балалардықарау, профилактикалық екпе өткізуді бақылау. Ата-аналар мен балабақша ұжымына санитариялық-ағарту жұмыстарын өткізу. Ауырған балалардың диспансерлік тобын бақылау және оларды сауықтыру. Жіті ауруға күдіктенген кезде изолятордағы балаларға тексеру жүргізу. Әрбір баланың денсаулық жағдайы туралы қорытынды енгізіп (дәрігер мамандардың деректерін ескеріп) тәрбиеленушілерге медициналық тексеру ұйымдастыру және өткізу.

Конкурсқа қатысушыға қойылатын негізгі талаптар: Жоғары медициналық білім. Біліктілік санатының болуы және осы мамандығы бойынша кемінде 3 жыл жұмыс тәжірибесінің болуы.

Бассейн тазалаушы - бала күтімі бойынша демалыстағы негізгі жұмыскерді алмастыру уақытына – 1.

Еңбекақы төлеу мөлшері мен шарттары: лауазымдық жалақыдан 142 000,00 теңгені құрайды, еңбекақы ай сайын жүргізіледі.

Функционалдық міндеттері: Бассейн үй-жайларын сапалы тазалау және дезинфекциялау. Мектепке дейінгі білім беру ұйымдарын күтіп-ұстауға және пайдалануға қойылатын санитариялық-эпидемиологиялық талаптар ережелеріне сәйкес бассейн үй-жайларының санитариялық жай-күйін сақтау. Дезинфекциялық препараттармен жұмыс істеу кезіндегі қауіпсіздік техникасының талаптарын сақтау. Еңбекті қорғау, қауіпсіздік техникасы және өртке қарсы қорғау ережелері мен нормаларын, СМЖ құжаттарының талаптарын сақтау. Білім беру процесі кезінде тәрбиеленушілердің өмірі мен денсаулығын сақтауды қамтамасыз ету. Штаттан тыс жағдайлар туындаған жағдайда кәсіпорын басшылығын дереу хабардар ету. Мектепке дейінгі білім беру ұйымдарын күтіп-ұстауға және пайдалануға қойылатын санитарлық-эпидемиологиялық талаптар ережелерін сақтау. Әрбір бала, оның даму деңгейі және ерекшеліктері туралы мәліметтерді жария етпеуге қатысты міндеттерді сақтау. Балалармен және қызметкерлермен қарым-қатынаста ұстамдылық пен әдептілікті сақтау. Штаттан тыс жағдайлар туындаған жағдайда кәсіпорын басшылығын дереу хабардар ету.

Конкурсқа қатысушыларға қойылатын негізгі талаптар: білімі мен жұмыс өтіліне талап қойылмайды.

Музыка жетекшісі – 1.

Функционалдық міндеттері: Бағдар бойынша бағдарлама негізінде музыка іс-әрекетін ұйымдастырудың әртүрлі түрлері мен нысандарын қолданып балалардың эстетикалық талғамын дамыту және қалыптастыру, музыкалық тәрбиелеу. Музыкалық аспапта ойнау техникасын кәсіби түрде игеру. Кестеге сәйкес музыка сабақтарын, балалар мерекелерін, әдеби-музыкалық ертеңгіліктерді ұйымдастыру және өткізу. Білім беру процесі кезінде тәрбиеленушілердің өмірі мен денсаулығын сақтауды қамтамасыз ету және жағдай жасау.

Конкурсқа қатысушыға қойылатын негізгі талаптар: Жоғары кәсіби (музыкалық, музыкалық-педагогикалық) білім, орта (музыкалық, музыкалық-педагогикалық)білімге рұқсат.Біліктілік санатының және мектепке дейінгі мекемелерде мамандығы бойынша жұмыс тәжірибесінің болуы.

Музыка жетекшісі бала күтімі бойынша демалыстағы негізгі жұмыскерді алмастыру уақытына - 1.

Мейірбике - бала күтімі бойынша демалыстағы негізгі жұмыскерді алмастыру уақытына - 1.

Еңбекақы төлеу мөлшері мен шарттары: лауазымдық жалақыдан 150 000,00 теңгені құрайды, еңбекақы ай сайын жүргізіледі.

Функционалдық міндеттері: Балалардың денсаулық жағдайын анықтау мақсатында функционалдық тестілеу өткізуге, дәрігердің балаларды тексеруіне қатысу. Ауырғаннан кейін келген балаларға қатысты бақылау және сауықтыру іс-шараларын жүзеге асыру. Сауықтыру іс-шараларын жүргізу( фитотерапия, физиопроцедуралар), «Д» есебінде тұрған балаларды сауықтыру бойынша дәрігердің тағайындауларын орындау, ЖРВИ алдын алу бойынша профилактикалық іс-шаралар. Күн тәртібінің сақталуын, таңғы гимнастиканың, дене шынықтыру сабақтарының және балалардың серуендеуінің дұрыс өткізілуін бақылауды жүзеге асыру. Дәрігердің қарауына мұқтаж балаларды бір күн ішінде анықтау.

Үй-жайлардың санитариялық жағдайын бақылау және ескертулерді жою бойынша бірлескен жұмыс, анықталған ескертулер туралы дәрігер-педиатрға баяндау. Балалардың физикалық дамуы мен денсаулығы мәселесіне арналған педагогикалық кеңестерге қатысу. Тиісті медициналық құжаттаманы жүргізу. Ай сайын, әкімшілікпен бірге дәрігермен бірлесе отырып, балабақшада балалардың сырқаттану себептерін қарау және осы себептерді жою жөнінде ұсыныстар енгізу. Штаттан тыс жағдайлар туындаған жағдайда кәсіпорын басшылығын дереу хабардар ету.

Медперсоналға жұмыста уақытша іркілістер кезінде оның күнделікті міндеттерін орындауға көмектесу. Еңбекті қорғау, қауіпсіздік техникасы мен өртке қарсы қорғау ережелері мен нормаларын, СМЖ құжаттарының талаптарын, мектепке дейінгі білім беру ұйымдарын күтіп-ұстауға және пайдалануға қойылатын санитарлық-эпидемиологиялық талаптарды сақтау, өрт сөндіргішті пайдалана білу, балалар мен ересектердің өмірі мен денсаулығына қауіп төндіретін төтенше жағдайларда әрекет ету. Төтенше жағдайлар туындаған жағдайда хабарлау сызбасына сәйкес кәсіпорын басшылығын дереу хабардар ету. Әрбір бала, оның даму деңгейі және ерекшеліктері туралы мәліметтерді жария етпеуге қатысты міндеттерді сақтау. Мұндай ақпаратты тек жазбаша сұрау салу бойынша және кәсіпорын басшысының рұқсатымен беру. Балалармен қарым-қатынаста ұстамдылық пен әдептілік сақтау.

Конкурсқа қатысушыларға қойылатын негізгі талаптар: «Мейірбике ісі» немесе «Фельдшер» мамандығы бойынша жоғары немесе орта-арнайы медициналық білімі, мүмкіндігінше біліктілік санаты болуы. Мейірбикенің жұмыс өтілі кем дегенде 1 жыл болуы. Мүмкіндігінше мектепке дейінгі мекемелерде жұмыс тәжірибесінің болуы. Мамандығы бойынша сертификатының болуы.

Ақпараттық сүйемелдеу жөніндегі маман - 1.

Еңбекақы төлеу мөлшері мен шарттары: лауазымдық жалақыдан 211 500,00 теңгені құрайды, еңбекақы ай сайын жүргізіледі.

Функционалдық міндеттері: Инновациялық-тәжірибелік жұмыс бөліміне ақпараттық-техникалық сүйемелдеу жүргізу, педагогикалық қызмет туралы және инновациялық-тәжірибелік жұмыс бөлімі туралы ақпараттық материалдарды (мәтіндік, графикалық және дыбыстық-бейне ақпарат және т. б.) өндеу. Педагогикалық бейін бойынша жоспарланған семинарларды, конференцияларды ақпараттық қамтамасыз ету, инновациялық-әдістемелік қызмет бөлімінің ағымдағы және перспективалық міндеттерін ұйымдастыруға қатысу. Өз қызметің жоспарлау және талдау, ақпараттың уақтылы жариялануын, сақталуын және тұтастығын, қолданылатын қорғау әдістерінің тиімділігін қамтамасыз ету. Еңбек тәртібін сақтау, Кәсіпорынның ішкі стандарттарының талаптарын сақтау. Сапа менеджменті жүйесінің (МСЖ) талаптарын сақтау, штаттан тыс жағдайлар туындаған жағдайда , Кәсіпорын басшылығына дереу хабарлау. Бекітілген медиа-жоспар бойынша сайттың контентін толтыруға (негізгі жаңалықтар ақпараттары, ИНФОГРАФИКА, бейне-материалдар) және сайт жұмысын сүйемелдеу, ай сайын инновациялық-тәжірибелік жұмыс бөлімінің үйлестіруші-әдіскерімен бірлесіп, сайт бойынша есеп жасауға міндетті.

Конкурсқа қатысушыға қойылатын негізгі талаптар: Жоғары педагогикалық немесе техникалық білім, мамандығы бойынша жұмыс тәжірибесі болуы.

Ақпараттық сүйемелдеу жөніндегі маман - бала күтімі бойынша демалыстағы негізгі жұмыскерді алмастыру уақытына - 1.

Аула тазалаушы – 2.

Функционалдық міндеттері: Балабақша учаскелерін және іргелес аумақты таза ұстау, аумақты көгалдандыруға қатысу. Сеніп тапсырылған учаскеде тазалық пен тәртіпті қамтамасыз ету. Балабақша аумағында бар жасыл желектер мен гүлдердің сақталуын қамтамасыз ету. Еңбекті қорғау, қауіпсіздік техникасы және өртке қарсы қорғау ережелері мен нормаларын сақтау. Білім беру процесі кезеңінде тәрбиеленушілердің өмірі мен денсаулығын сақтауды қамтамасыз ету. Штаттан тыс жағдайлар туындаған жағдайда кәсіпорын басшылығын дереу хабардар ету.

Конкурсқа қатысушыларға қойылатын негізгі талаптар: Біліміне талап қойылмайды. Шаруашылық қызметте жұмыс тәжірибесінің болғаны жөн.

Электрик – 1.

Еңбекақы төлеу мөлшері мен шарттары: лауазымдық жалақыдан 192 000,00 теңгені құрайды, еңбекақы ай сайын жүргізіледі.

Функционалдық міндеттері: Қызмет көрсетілетін құрылғылар мен жабдықтардың жарамды жай-күйін, апатсыз және сенімді жұмысын, оларды дұрыс пайдалануды, уақтылы сапалы жөндеуді қамтамасыз ету. Электржабдықтары мен электрсхемаларын баптау, жөндеу және реттеу. Электр және электрондық аспаптарға, резервті автоматы қосу құрылғыларына қызмет көрсету, ретке келтіру және реттеу. Электр және электрондық аспаптарды жөндеу жұмыстарын орындау. Басшылықтың тапсырмасы бойынша өзге де жұмыстарды атқару. Жөнделген электржабдықтарын пайдалануға беруге дайындау. Құрылғылардың жұмыс жағдайын зерттеу, мерзімінен бұрын тозу себептерін анықтау, тозудың алдыналу және жою шараларын қолдану. Құрылғыларды пайдаланатын қызметкерлерге оларды пайдалану ережелері және өндірістік жарақаттардың алдын алу шаралары туралы нұсқаулық жүргізу. Құрылғылардың жұмысындағы ақаулықтарды жоюға, оларды жөндеуге, монтаждау мен реттеуге, электротехникалық өлшеулер мен сынақтарға қатысу. Техникалық қызмет көрсетудің, жөндеудің, монтаждаудың және басқа да жұмыстардың прогрессивті әдістерін меңгеру және енгізу. Бекітілген техникалық құралдардың сенімділігін, жұмыс сапасын арттыру жөніндегі іс-шараларды әзірлеуге, қолданыстағы құрылғыларды игеруге және жаңғыртуға атсалысу. Материалдарға, қосалқы бөлшектерге, құралдарға өтінім жасауға қатысу және оларды үнемді және тиімді жұмсау. Мектепке дейінгі білім беру ұйымдарын күтіп-ұстауға және пайдалануға қойылатын санитариялық-эпидемиологиялық талаптар қағидаларын ыңталаптарын сақтау. Ғимараттағы барлық электртехникалық жүйелерді пайдалануды, жөндеуді және үздіксіз жұмысты қамтамасызету. Жоспарлы-алдын ала жөндеудің барлық іс-шараларын орындау, сондай-ақ пайдаланылатын инженерлік жүйелерге қызмет көрсету және жөндеу. Еңбекті қорғау және қауіпсіздік техникасы бойынша нұсқаулықтан өту. СМЖ құжаттарының талаптарын, мектепке дейінгі білім беру ұйымдарын күтіп-ұстауға және пайдалануға қойылатын санитариялық-эпидемиологиялық талаптар қағидаларын сақтау. Штаттан тыс жағдайлар туындаған жағдайда Кәсіпорын басшылығына дереу хабарлау.

Конкурсқа қатысушыға қойылатын негізгі талап: біліміне талап қойылмайды. Еңбек өтілі 2 жылдан кем болмауы, санаты 3-разрядтан төмен болмауы тиіс.

Жүзу жөніндегі нұсқаушы – бала күтімі бойынша демалыстағы негізгі жұмыскерді алмастыру уақытына 1 (0,75 мөлшер).

Еңбекақы төлеу мөлшері мен шарттары: лауазымдық жалақыдан 115 950,00 теңгені құрайды, еңбекақы ай сайын жүргізіледі.

Функционалдық міндеттері: дене шынықтыру және дамыту бағдарламасына сәйкес балалардың жасын, психологиялық және дене ерекшеліктерін ескере отырып жүзуге үйрету. Ұйымдастырылған оқу қызметінің оқу жоспары мен кестесіне сәйкес бейіндік пән бойынша білім беру бағдарламасын толық көлемде іске асыру. Білім беру процесі кезеңінде тәрбиеленушілердің өмірі мен денсаулығын қорғауға жағдай жасау және қамтамасыз ету. Бассейнде сабақ өткізу үшін гигиеналық жағдайларды тексеру және сақтау: балаларды дайындау және сабақ өткізу кезеңінде медицина қызметкерлерімен өзара әрекеттесу.

Мектеп жасына дейінгі балалардың физикалық дағдыларын дамытуды қолдайтын даму мен оқытудың әртүрлі формаларын, әдістерін, әдістері мен құралдарын қолдану. Пән бойынша перспективалық жоспарлар құру. Оқу процесіне инновациялық білім беру және сауықтыру әдістемелерін енгізу. Мектепке дейінгі жастағы балаларды дамытудың тиісті мемлекеттік жалпыға міндетті және ведомстволық стандарттарында көзделген деңгейден төмен емес білім алуды, білік пен дағдыны дамытуды қамтамасыз ету. Білім беру бағдарламаларын әзірлеуге және орындауға қатысу, оқу жоспарына және оқу процесінің кестесіне сәйкес оларды толық көлемде қамтамасыз ету және іске асыру.

Физикалық белсенділікті қалыптастыру және дамыту үшін балалармен жұмыс жасаудың әртүрлі формаларын қолдану. Әр баланың физикалық дағдылары мен жетістіктерінің даму деңгейін көрсететін құжаттарды жылына 3 рет ресімдеу.

Оқушылардың жеке басының жалпы дене тәрбиесін қалыптастыру және оны әлеуметтендіру.

Кәсіпорынның медицина қызметкерлерімен және тәрбиешілермен тығыз байланыста жұмыс істеу, тәрбиеленушілердің денсаулық жағдайына бақылау жүргізу және олардың дене жүктемесін реттеу. Денсаулық көрсеткіштері мен дене жүктемелерін есепке алудың электрондық нысандарын пайдалана отырып, Кәсіпорындағы сауықтыру жұмысының сапасына мониторинг жүргізу, әр баланың дайындығы мен дамуына сәйкес әр түрлі күрделілік деңгейлеріндегі тапсырмаларды бірлесіп жоспарлау. Тәрбиешілермен бірге балалардың жеке ерекшеліктерін зерттеу.

Медицина қызметкерлерімен бірге балалардың балабақшада болған кезеңдегі денсаулық жағдайы мен қозғалыс белсенділігін бақылау, бассейнде сабақ өткізу үшін гигиеналық жағдайларды сақтау. Спорттық демалыстар мен ойын-сауықтарды дайындау және оларға белсенді қатысу.

Жүзу сабақтарын ұйымдастыру мәселелері бойынша топ тәрбиешілерімен және қызмет көрсетуші персоналмен әңгіме өткізу.

Әдістемелік бірлестіктердің қызметіне және әдістемелік жұмыстың басқа да нысандарына қатысу. Кәсіби біліктілікті жүйелі түрде арттырып отыру.

Нұсқаулық құжаттармен және Кәсіпорын басшылығымен белгіленген құжаттаманы жүргізу.

Бекітілген мүліктің әдістемелік әдебиеттерін, құралдарын ұқыпты пайдалану. Жабдықты пайдалану кезінде қауіпсіздік техникасы талаптарын сақтау. Еңбек тәртібін сақтау.

Қажет болған жағдайда алғашқы медициналық көмек көрсету. Мектепке дейінгі мекемелердегі балалардың өмірі мен денсаулығын қорғау жөніндегі нұсқаулықты, СМЖ құжаттарының талаптарын, мектепке дейінгі білім беру ұйымдарын күтіп-ұстауға және пайдалануға қойылатын санитариялық-эпидемиологиялық талаптар қағидаларын сақтау. Әрбір бала туралы, оның даму деңгейі және ерекшеліктері туралы мәліметтерді жария етпеуге қатысты міндеттерді сақтау. Мұндай ақпаратты тек жазбаша сұрау бойынша және Кәсіпорын басшысының рұқсатымен беру. Балалармен қарым-қатынаста шыдамдылық пен педагогикалық әдептілікті сақтау. Әр оқушының жеке басын дамыту үшін оқу нәтижелерін педагогикалық іс-әрекетте қолдану. Штаттан тыс жағдайлар туындаған жағдайда Кәсіпорын басшылығына дереу хабарлау.

Баланың физикалық қабілеттерін дамытуда бала мен отбасына қолдау көрсету. Тәрбиеленушілерді жүзу сабақтарына дайындау мәселелері бойынша ата-аналармен түсіндіру жұмыстарын ұйымдастыру. Дене шынықтыру жабдықтарын пайдалану кезінде қауіпсіздік техникасы талаптарын орындау. Қызмет туралы қажетті есептілікті дайындауды және ұсынуды қамтамасыз ету.

Конкурсқа қатысушыға қойылатын негізгі талап: дене шынықтыру және спорт, дене шынықтыру мамандығы бойынша жоғары немесе орта арнайы педагогикалық білім. Орта-арнайы (мектепке дейінгі) білім болса да болады. Мүмкіндігінше біліктілік санатының және мектепке дейінгі мекемелерде жұмыс өтілінің, балалармен жаттықтырушы жұмысының болуы.

Асхана жұмысшысы – 1.

Функционалдық міндеттері: Жартылай өнімдер мен шикізаттарды өндірістік цехқа жеткізу. Шикізаттарды, жартылай өнімдерді, азық-түліктерді, ыдыс-аяқтарды, құрал-саймандарды, ыдыстарды цехтың ішінде тасымалдау. Дайын өнімді таратуға немесе пайдалануға жеткізу.

Конкурсқа қатысушыға қойылатын негізгі талаптар: Біліміне талап қойлымайды. Жұмыс тәжірибесінің болуы.

Қонкусқа қатысу үшін құжаттарды қабылдау мерзімі: 2021 жылғы 29 сәуірден 8 мамырға дейін. Құжаттар жоғарыда көрсетілген мекенжай бойынша қабылданады.

Конкурсқа қатысу үшін қажетті құжаттар:

1) өтініш;

2) түйіндеме;

3) Қазақстан Республикасы азаматының жеке куәлігінің көшірмесі;

4) білім туралы құжаттың көшірмесі;

5) еңбек қызметін растайтын құжаттың көшірмесі (бар болса).